სოციალური სივრცე ბალანსისთვის 𖥸
უკვე მეხუთე წელია, რაც სოციალური სივრცე მზის გარშემო თავის მუდმივ მოგზაურებთან ერთად ბრუნავს. ამ მოგზაურობაში კი მათ სეზონის მანძილზე ყოველდღიური ბალანსის ღონისძიებებს სთავაზობს, რომელთა მთავარი მიზანი გონებასა და სხეულს შორის ბალანსის მოპოვებაა.
გვეამაყება, რომ ღონისძიებების ფარგლებში, სოციალური სივრცის გარშემო გავაერთიანეთ ადამიანები, რომელთაც საერთო ღირებულებები ამოძრავებთ. რადგან შფოთვებითა და ქაოსით სავსე გარემოში თანამოაზრეებთან კომუნიკაცია და მათთან აზრების გაცვლა, უმნიშვნელოვანეს როლს თამაშობს შინაგანი ჰარმონიის მოპოვებაში.
ღონისძიების შესახებ 𖥸
სოციალური სივრცის ერთ-ერთი მუდმივი მეგზურია თემო მჟავია, რომელიც ჩაის ცერემონიის გარშემო აერთიანებს ადამიანებს, რომლებიც სიახლეებს არომატების სამყაროსთან ერთად ეძებენ. ჩაის ცერემონიებზე საშუალება გაქვთ დააგემოვნოთ სხვადასხვა სახეობის ტრადიციული წესით მომზადებული ჩინური თუ ქართული ჩაი.
ჩაის ცერემონია არის ის ღონისძიება, რომელიც შესაძლებლობას გაძლევთ გაიცნოთ და კომუნიკაცია დაამყაროთ ადამინებთან. ჩვენთვის განსაკუთრებულად მნიშვნელოვანია და გვჯერა, რომ ჩაის ცერემონიებზე იმ მოგზაურებს ვიხილავთ, რომლებიც ამ რიტუალში წლების წინ შემოგვიერთდნენ.
შემოგვიერთდი ყოველდღე, კვირის გარდა | 09:00
