18 აგვისტოს, Starring Georgia-ს ფარგლებში ‘სოციალური სივრცის’ სცენა ელექტრონული მუსიკის ღონისძიებათა სერიას All Day I Dream უმასპინძლებს. ღონისძიებების სერია All Day I Dream Lee Burridge-ს მენტორობით 2011 წელს, დახურული წვეულებების ფორმატში დაიწყო და მალევე საერთაშორისო ფენომენად იქცა.

Lee Burridge ბრიტანელი დიჯეი და პროდუსერია, რომელიც პლატფორმა All Day I Dream-ის დაარსების გარდა, ფესტივალ Burning Man-ზე დაკრული საკულტო სეტებით და Organic House სტილის განვითარებით გახდა ცნობილი. მუსიკისა და ბუნების ურთიერთკავშირის ძიების პროცესში, Lee Burridge თავისი თაობის ერთ-ერთ მთავარ მუსიკალურ ექსპერიმენტატორად იქცა. All Day I Dream კი მისი ჟღერადობის და შემოქმედებითი მიდგომების საუკეთესო რეპრეზენტაცია გახდა, რაშიც სოციალურის სივრცის მსმენელიც დარწმუნდება.

Tim Green ბრიტანელი პროდიუსერი და დიჯეია. არტისტის გამორჩეული თვისება ყოველგვარი ძალისხმნევის გარეშე შექმნას ექსპიმენტალური მუსიკა მსმენელებს განსაკუთრებულად აღფრთოვანებს.

Van-Anh Nguyen სიდნეიში დაბადებული პიანისტი და კომპოზიტორია, Mark Olsen კი ლოს ანჯელეში დაბადებული დიჯეი, დრამერი, პროდიუსერი. არტისტები მუსიკის ორ სამყაროს აკუსტიკური და ელექტრონული ბგერების უნიკალური ნაზავით აერთიანებენ.

Powel ბერლინში დაბადებული დიჯეი და პროდიუსერია. არტისტი მსმენელისთვის მისი საავტორო რითმებით არის ცნობილი, რომელთაც პერკუსიების დახმარებით ქმნის.

ღონისძიების დასაწყისი: 18:00

კარები გაიხსნება: 17:00

Starring Georgia 2 წლიანი კამპანიაა, რომლის ფარგლებში საქართველო და შეკვეთილი მთელი თანავარსკვლავედის მასპინძელი გახდება, რადგან ისეთი არტისტები ეწვევიან, რომელთა შემოქმედება სხვადასხვა თაობის და მუსიკალური ჟანრის მსმენელ ადამიანებს აერთიანებს. მათ შორისა Imagine Dragons, The Killers, Nile Rodgers & Chic, FKJ და Damian Lazarus, Bruno Mars.