THE SOCIAL SPACE

სოციალური სივრცის 2022 წლის მუსიკალური მოგზაურობა ჯერ მხოლოდ იწყება. 25 აგვისტოს სოციალური სივრცე Agents Of Time-ს უმასპინძლებს.
 
— მუსიკა —

მუსიკა სოციალური სივრცის მთავარი საკომუნიკაციო ენაა, რომლის დახმარებითაც ღრმად ფესვგადგმული ემოციებისა და მრავალფეროვანი გამოცდილებების გაზიარებაა შესაძლებელი. ჩვენ გლობალურად და ლოკალურად ცნობილ არტისტებს ვიწვევთ, რომლებიც გარემოს მშვენიერებითა და ერთად შექმნილი მომენტებით შთაგონებულ მუსიკას ქმნიან.
 
— Agents Of Time —

Agents Of Time იტალიელი ელექტრონული მუსიკოსების, Andrea Di Ceglie-ისა და Luigi Tutolo-ს დუეტია. 2014 წელს მათ პირველი სტუდიური ალბომი - Spread the Word - გაავრცელეს, რასაც მინი ალბომების სერია მოჰყვა. ბოლო მინი ალბომი - The Mirage EP 2022 წელს ცნობილმა გერმანულმა ლეიბლმა, Afterlife Recordings-მა გამოსცა. Deep House-ისა და მელოდიური ტექნოს ნაზავი მათ სტუდიურ ჩანაწერებსა და ცოცხალ შესრულებაში ერთნაირი წარმატებით ამჟღავნებს თავს. დუეტის DJ Set-ები ეკლექტური ჟღერადობებითაა გაჯერებული და მსმენელს მელოდიური საცეკვაო მუსიკის სამყაროს გზამკვლევად ევლინება. მათი ბგერები, ელექტრონული მუსიკის ისეთი კლასიკოსების ზეგავლენითაა შექმნილი, როგორებიც არიან: Kraftwerk, James Blake, Matthew Johnson.
მოუსმინე: https://sptfy.com/K9EX


— მნიშვნელოვანი ინფორმაცია —

I კალათა - 70 ლარი
II კალათა - 90 ლარი
ასაკი: 21+

ადგილმდებარეობა: შეკვეთილი, მუსიკოსთა პარკი

კარი გაიღება 20:00-ზე
 
 
— სოციალური სივრცე —

სოციალური სივრცე შეკვეთილში, მუსიკოსთა პარკში მდებარე მულტიფუნქციური სივრცეა. ჩვენი მისიაა ადამიანები ერთი მიზნის გარშემო გავაერთიანოთ, რაც ცოდნისა და გამოცდილების გაზიარებით გარემოსა და ერთმანეთზე ზრუნვას გულისხმობს.