18 აგვისტოს, სოციალური სივრცე, ბრიტანული ელექტრონული მუსიკის პროექტს Jungle-ს უმასპინძლებს. ღონისძიებამდე ბენდი Starring Georgia-ს ფარგლებში Black Sea Arena Front Stage-ზე წარსდგება მსმენელის წინაშე, რის შემდეგაც სოციალურ სივრცეში Afterparty-ზე თავად დაუკრავს.

Jungle-ს შემოქმედებაში ელექტრონულ ჟღერადობასთან ერთად აქტიურად გვხვდება ჰიპ-ჰოპისთვის დამახასიათებელი სემპლინგი, ნეო სოულის და კლასიკური R&B-ს ელემენტები, რაც მსმენელის მუსიკალურ მოგზაურობას კიდევ უფრო მრავალფეროვანს ხდის.