სოციალური სივრცე ბალანსისთვის 𖥸

შინაგანი ჰარმონიის პოვნა გვეხმარება უკეთ ვმართოთ საკუთარი სხეული და გონება, საკუთარი ფიქრების გაცნობიერებით კი უარყოფითი ენერგია პოზიტიური მიმართულებისკენ მივმართოთ. სწორედ ამ მიზანს ემსახურება სოციალურ სივრცეში - ბალანსისთვის დაგეგმილი ღონისძიებები.

ღონისძიების შესახებ 𖥸

16 აგვისტოს, 13:00 საათზე სოციალური სივრცე 5 რიტმის ცნობიერი ცეკვის მედიტაციას უმასპინძლებს, რომელსაც აკრედიტებული ქოუჩი ტატა ლებანიძე გაუძღვება.

შეხვედრაზე აღმოაჩენთ 5 რიტმის, როგორც მოძრაობის მედიტაციის, პერფორმანსული ხელოვნებისა თუ თანამედროვე პრაქტიკის, მრავალფეროვან უპირატესობებს და რაც მთავარია, საკუთარ თავზე გამოცდით თითოეულ მათგანს. მათ შორის, შეძლებთ: თავისუფალი ცეკვით იპოვოთ საკუთარი თავი, გათავისუფლდეთ ემოციური ტკივილებისგან და ქვეცნობიერი ტრავმებისგან, რომლებიც ნეგატიურმა გამოცდილებამ დაგიტოვათ.

გამოგვყევი მოგზაურობაში განტვირთვისთვის, დასვენებისთვის და განახლებისთვის 𖥸